簡單。香滑南瓜露伴蕃薯圓
今日係初七人日！先祝福大家生日快樂，身體健康！原本打算買碗紅豆沙拌昨日自製的蕃薯圓食，但醒起還有半個日本南瓜未食😁咁就無謂買啦，有咩好得過自己煮呢😋
摷下廚房有咩其他材料先。。。有包。。正確還有兩大包綠豆邊未食😅就攞一小碗加入去同南瓜一起蒸煮，等個味道多點層次吧！
材料
。日本南瓜，半個！大陸嘅出品我就免啦，因為唔多甜呢！
。綠豆邊，半碗！加唔加隨你個人喜歡😊
。滾水，適量！用來調教粘杰度！
。冰糖，適量！加滾水推匀後試試味道，才決定加入多少！
。自製蕃薯圓😁😁😁😁
做法
。先將南瓜切皮，切細，隔水蒸15～16分鐘，至軟身！同時間可加入綠豆邊一起蒸！
。將蒸好的南瓜及綠豆，倒入攪拌機，加點水打成蓉！
。將南瓜蓉倒進大煲，加入適量滾水調教粘杰度及甜度後，加適量冰糖煮溶後可飲用！
。飲用時拌以蕃薯圓/湯圓，如加入一點淡忌廉會令口感更加細滑如絲😋😋😋
小B廚房恭祝大家生日快樂，身體健康！恭喜！恭喜！
www.facebook.com/LittleB.Kitchen
Search